近來活動開始忙返，入pitch見客忙到痴肺。有時身體狀態麻麻地就對所有嘢都特別敏感，一不停咳就勁驚，比人眼望望唔好意思之餘，其實最擔心哮喘發作。
細個有哮喘，經常怕自己唔記得帶短效氣管舒張劑，每個袋都要袋定一支傍身，萬一發作個陣可以即時舒緩氣管。雖然依家注意多咗身體，哮喘發作嘅次數減少咗好多，但又可以無端端喘起上嚟，殺你個措手不及。咪以為冬天先至會容易發作，依家天氣熱，有時出入商場或者冷氣凍啲嘅地方，甚至一陣怪風唔知吸到乜致敏源都有可能會誘發哮喘，有時條氣好促、不停咳、咳到瞓唔到，攪到第朝唔夠精神做嘢。最怕就係event或見客前後哮喘發作，自己唔舒服都算啦，影響成team人辛苦咁耐嘅成果真係於心何忍呀？假如喺台面cue緊show狂咳，到時真係台前幕後企係度呀施主！
控制哮喘真係一個長期作戰。
後來先知嗰支短效氣管舒張劑只能短暫治標，如果單用短效氣管舒張劑，反而會增加哮喘發作嘅風險！要打哮喘呢場仗，醫生建議我用長效藥物來好好控制，一般由一日吸幾次藥，少至一日一次就可以長效控制哮喘。依家唔駛再驚突然發作，簡單方便，啱晒我哋啲忙起上嚟不見天日又唔想俾哮喘發作影響嘅公關仔。
若果有哮喘困擾，一定要盡快求醫，同醫生傾下邊種哮喘治療方案最啱，希望長效吸入式藥物可以幫助控制哮喘，做嘢都無咁多後顧之憂啦！
盡早控制病情，唔好俾哮喘影響生活同工作。祝大家身體健康！
#GSK
此文章由葛蘭素史克安排。請向醫護人員查詢有關詳情。
NP-HK-ASU-ADVR-210006 (06/2022)
Date of preparation: 02/07/2021
哮喘治療 在 哮喘發作該如何急救？一文分析成因、症狀、診斷和改善方法 的相關結果
如何診斷是否有哮喘？ 哮喘的治療方法; 哮喘可以斷尾嗎？ 馬上預約西醫門診服務. ... <看更多>