【海苔梅子足浴體驗】#福井 之旅・一日目
2019年第一飛，受 ABC Cooking Studio HK 同 福井県商工觀光局邀請，嚟到福井県小浜市，同日系美女model Carrie，以及 #AbcCookingHK 兩位老師 Carmen 和 Michelle ，享受冬日海岸。尋晚落機抖足精神，今日晨早出發，先去體驗下入口即化嘅 #朦朧昆布（#朧ろ昆布）係點整嘅。先用醋浸醃昆布8個月變軟，然後由幾十年經歷大師傅，用刀片刮出0.01mm咁薄嘅昆布薄片！我哋成班輪住嚟試，刮完仲可以即刻試食。聽講用佢嚟煮日式湯汁，平時要煲成個鐘頭家陣30分鐘就出晒味；就咁放入滾水加啲柚子醋，已經超好味；仲可以包飯糰做壽司，咁百搭嘅食材，點忍得住唔買番幾包番香港嘆？🙈
福井又以溫泉馳名，行到邊都有傳統溫泉旅館，今日我哋仲專登走上 #彩虹之路山頂公園（#レインボーライン山頂公園）響山頂邊泡住40度 #天空の足湯 ，邊欣賞 #三方五湖 靚景，附近仲有間 #和合神社，情侶嚟到除咗求幸福，又有無敵 #空中鞦韆，靚靚和式CAFE同好多放閃拍照位。未有著落嘅聲些，好在有QQ Carrie陪聲些，各位男同學，不用太羨慕聲些喔～😏
落山繼續體驗旅程，用福井嘅梅子即手製 #梅汁 同 #梅子果醬。#梅酒 好多同學都浸過，梅汁做法都係同一原理，最快一星期就有得嘆，仲可以加入各種酒類，或淨溝清水享用；梅子果醬仲簡單，梅子加糖煮沸，再隔渣煮成醬即搞掂，塗餅乾或加入乳酪都咁正，返香港仲可以請朋友仔一齊試下啦！
聽日繼續福井體驗之旅，好似話名物 #若狹珍珠 同 #河豚！聽晚keep住睇我哋響海邊玩到癲啦～🙈
#是日午餐係超新鮮魷魚丼
#イカ丼甘すぎ
#STORY即時更新靚景點
#wakasa_abccookingstudiohk
#fukuiwakasa
#peggysensei
#PEGGY先生
